X
تبلیغات
Yaşasın Azərbaycan گئجه
ساهات ياري گئجه  ۳.۴۲ ني گؤسترمكده دير

و منيم ايچيم دولودور بوشلوقلارلا

دونيادان بئزميش كيمي يم

گئجه نين بو سس سيز ليي اولماسا

بيلميرم نئجه دايانماق اولار بو بوشسوزلوغا

 

هردن دوشونورم، ياشاماق او قدر ده هيجانلي دئييل

يانليزليق، سس سيز ليك، ايكي سي ده ائشيت ديلر

سس سيز ليك، يانليزليق دئمك اولماسا دا، يانليزليق ، سس سيز ليك دئمك دير

 

هردن دوشونورم، مني سئوينديره جك بير شي وارمي؟

بير شي اولماسادا،‌ مني هر زامان گولن گؤروبلر

يولداشلار دئييرلر، سن بيزه ياشاماغا گؤج وئريرسن،‌

بلكه ده گوجومون هاميسيني يولداشلارا باغيشلاييب، اؤزومسه الي بوش قاليرام؟؟؟؟

 

 

 

 

 

+ نوشته شده در  دوشنبه سی و یکم فروردین 1388ساعت   توسط گئجه  | 

 

بو شعره مؤعجوزون شعرلريني اوخوياندا توش گلديم.

دوزون ايسته سز،‌منيم بو موضودا هئچ بير نظريم يوخدو. آنجاق بير سيرا دوختورلار ۳۱ چكمه يي اينسان اوچون چوخ  ضررلي، بيليرلر

بير سيرالاري دا كي فيكر ائليرم سايي آز اولموش اولا، بو ايشي بير او قدر ده پيس بيلميرلر.

آنجاق روحو خسته ليك گتيرن بو عادت، عيني زاماندا جيسمي خسته ليك لرده گتيره بيلير.

تانيشلاردان بيري وار، بير آي دير كي باشلاييب اؤ‍‍‍ز، اؤزونه " غش" ائلير. من اونون درديني ياخجي بيليرم ندن دير. ۳۱ چكمك اونون اوچون بير عادت اولوب. ائله گون اولور ۳ باش يا چوخ ۳۱ چكير.

آنجاق بو عادتي ترك ائتمك ده بير او قدر راحات دئييل.

ائولنمك بيرينجي درمان دير. آما ايندي بو زامانانين پيس واختيندا ائولنمك مگر آسان ايشدي؟

بيلميرم سونوموز هارا چاتاجاقدير.

تانري توركو قوروسون.

 

جاهيلين جاني جهالت شمعينه پروانه دير

اؤز اليله اؤز ائوين ويران ائدن ديوانه دير

 

گولشن حوسنون سارالميش اي گول رعنا سنين

بيلميرم آيا ندير باشيندا بو سئودا سنين

قورخورام قانين تؤكه جللاد ايستمنا سنين

گئت اططيبادن سوروش بير گؤر بو ايستمنا نه دير

 

 

آي كيمي خلق ائيله ميش اول خاليق بر حق سني

چيرك عوصيان ائيله ييب حئيفا كي بي رونق سني

نفسيني اؤلدورمه سن، نفس اؤلدورر موطلق سني

امر و نهي خاليق يكتا مگر افسانه دير؟

 

فعل ايستمينا زينادن پيسدي سؤيلر موصطفا

نفس غاليب گلسه قارداش ياخشي دير اوندان زينا

چوخ جاوانلار كور ائديب بو بد عمل اي بينوا

گؤزلرين بير لحظه يوم گر بيلميسن، اعما ندير

 

چوخ آنا قویموش اوغولسوز دهرده بو بد عمل

وورما تیشه ریشه ی ایقبالیوا بیر هوشه گل

نفسینه مغلوب اولان صئیدی شیکار ائیلر اجل

دیققت ائیله بو سؤزه گؤر اونداكي معنا نه دير؟

 

سؤيله دي مؤجوز، ملامت ائيله مه بي جا مني

خاميديم بي تجروبه، نفس ائيله دي اغوا مني

بسكي دلتنگ ائيله ييب بو درد ايستيمنا مني

تار اولوب دونيا گؤزومده بيلميرم دونيا نه دير

 

آغلادي آز قالدي غشش ائتسين رفيق مضطريم

سؤيله دي قارداش ياپيش مندن كي تيترير ديزلريم

ريققت ال وئردي منه، ياشيله دولدو گؤزلريم

آغلا اي گؤز، يان كؤنول، دونيا ائوي غم خانه دير

 

 

عاقيبت سالدي آياقدان درد او سرو نورسي

آچدي باشين ، يولدو زولفون مادر بيچاره سي

چون دئديم- صبر ائيه مادر جان ، اوجالدي ناله سي

سؤيله دي: تك قالديم اي مؤجوز، بالام بير دانه دير.

 

 

+ نوشته شده در  جمعه بیست و هشتم فروردین 1388ساعت   توسط گئجه  | 

 

دیزلریمده ایللرین آغیرلیغی

 

باشیمدا یانیق تورپاغین کولو

 

قولتوغوما سیغینمیش قیلینج ووران اللریم

 

گوزلریمده اوغوز یوخوسو

 

قولاقلاریمدا یابانجی دایه لرین یابانجی لایلاسی

 

باشیمی یاستیقا آتیبدا دوزورم

 

صبیر داشیمی باغریما باسیب دا دوزورم

 

قبیر داشیمی باشیما باسیب دا دوزورم

 

آممان آممان یئر اوزونون تانریسی

 

آممان آممان آدی سانی دونیالارا سیغمایان

 

آتلارینین نال سسیندن یئر کوره سی یاتمایان هی هی

 

ایچینه قیسیلیب قالدیغین یئتر

 

دونه نین یاسینا باتدیغین یئترهی هی

 

آممان آممان ایگیدلیی ایچینده

 

قیلینجی قینیندا پاسلانان ایگید هی

 

اوتورماقدان بئلین دورار

 

یاتماغدان گوزلرین توتولار

 

قالخ دا پاسین آچیلسین

 

آخ دا کونلون دورولسون هی هی

 

اوغ اوغلاماق قوش قوشلاماق چاغی دیر

 

یاغیلارا قان قوسدورماق چاغی دیر هی هی

 

هی هی هی هی ارگنه گوندور ایگیدلر هی هی

 

قورد داغدا اولاییر سنه اوغور دیلییر

 

داغلار یاخیب دمیر دویمگ چاغیدیر

 

یاغیلارا قان قوسدورماق چاغیدیر

 

داغلار یاخیب دمیر دویمگ چاغیدیر

 

قیلینج ووروب آد قازانماق چاغیدیر هی هی

 

آتینین کیشنرتسینه سکسندی

 

سیلکندی ، توزون توکدو

 

گوز قاپاقلارینی آچدی

 

دونه نینه بو گونونه یارینینا باخدی

 

گوزلری قان چاناغی

 

پیچاق وورسان قانی چیخماز

 

دیشی باغیرساغیندا

 

جانی بوغازیندا باغیریر

 

پیچاق سومویه دایانمیش

+ نوشته شده در  جمعه بیست و یکم فروردین 1388ساعت   توسط گئجه  | 

 

شعري اوخوماق، شاعير اوچون بؤيوك خيانتدير

شعري ايچمك لازيم

سؤزو اينسان يئيير، آنجاق شعري ايچير

 

سئومک بیر انتحاردیر!

 

 

قار چیچه­یی گونشه باخیب اؤلدو.

 

 

سئومک بیر اتهامدیر!

 

 

سئومک تکجه سئومک دئییل کی،

 

 

سنین، منیم، اونون آراسیندا

 

 

سئومک بیر انقلابدیر...

 

 

من سئویرم

 

 

و

 

 

زینداندایام!..

 

 

 

 

بئله قورتاردی دونیا؛

 

 

    بیر قیز یوخوما گیردی

 

 

      منی سنی ساتدیم

 

 

                    سن انتحار ائدین.

 

 

 

 

 

سالام مهربان...

 

 

- نئجه­سن قاداسی؟

 

 

- من هاردایام کی؟

 

 

- من هئچ یئرده­یم،  چوخ   یاخشی...

 

 

- کیمین گؤزو گؤتورمور گؤزو چارتداسین

 

 

- کؤینک ایسته­میرم

 

 

    اؤزونو بوک گؤندر بیر کیتاب آراسیندا.

 

 

- ناهارا سویا پلو، شاما سویا شورباسی

 

 

                         سحره سویا مورابباسی.

 

 

- یوخ باشیم شولوقدور

 

 

رومان اوخویورام، داریخیرام، شعر یازیرام

 

 

                               بیر آز دا آغلاییرام…

 

 

- گونده دوققوز ساعات یاتیرام

 

 

- بیر ساعات آییغام سنه شعر یازیرام

 

 

            23 ساعات اویاغام سنه دوشونورم

 

 

- بیردن باشقاسینی سئوسن

 

 

                      کوسمه­رم هااا سئو!..

 

 

- آخی منیم باشیم شولوخدو

 

 

- یوخ کیشی­لر آغلاماز دئمیش­لر

 

 

- نییه آغلاییم کی...

 

 

- الو...

 

- الو...

 

- الو...

 

 

 

 

سعيد موغانلي

 

 

+ نوشته شده در  یکشنبه شانزدهم فروردین 1388ساعت   توسط گئجه  | 

 

گئجه لر ایسته سن داریخمایاسان

کونولون، گئجه لری دینله

 

ایسترسن سئوگیلیم

 

گئجلر

 

گل دووت اوخویاق

 

هامی نی اویاداق

 

کیم بیلیر

 

گئجه لر نه دئمک دیر

سنین

منیم

اونون آراسیندا

گئجلر یاشاماق

دئمکدیر

 

+ نوشته شده در  چهارشنبه دوازدهم فروردین 1388ساعت   توسط گئجه  | 

 

سولطان بی خالادان بئله ائلچیلیک ائدیر

 

بیر آت آلدیم هر یانی چاپتیم، گل آلیم مارالیم دیل بیلمز

آخیر گلیب سنی تاپدیم مارالیم گل آلیم دیل بیلمز

هر نه دئسم سن راضی اول گل آلیم مارالیم دیل بیلمز

آممان آممان هی

قاشی کامان هی

گل آلیم

مارالیم

دیل بیلمز

 

آسیه سلیماندان بئله

 

گؤزلیم یار گؤزلیم

بیر سؤزوم وار گؤزلیم

بو یازیق یارینا هر دن بیر نظر سال گؤزلیم

عاشیق اولدوم سنه من

ائتمه دین لطف کرم

بو یازیق یارینا هر دن بیر نظر سال گؤزلیم

 

ولی تئللی دن بئله ائلچیلیک ائدیر

 

قوی خانیمی بی آپاریب تئزلیگینن توی ائله سین

سنی ده کن من آلارام، من ده بیر بی اولارام

سنی ده کن من الارام من ده بیر بی اولارام

( تئللی) پولون وار؟؟؟؟؟

( ولی) وار وار!!!!!

( تئللی) پولون وار؟؟؟؟؟

( ولی) وار وار!!!!

( تئللی) پولون وار گلرم

( ولی) بیلیرم گلرسن


آما عسکر.....

 

 

+ نوشته شده در  دوشنبه سوم فروردین 1388ساعت   توسط گئجه  | 

«يولونا گوًي سره‌جم يئر ساوالانلانسادا گل

يورو صوبحون باجيسي، دان يولو قانلانسادا گل

ائن منه داغ دوًشويم گيزليجه‌دير چشمه‌لي‌ييم

قورخما چرشنبه‌لي قيز، داغ دولو قافلانسادا گل»

٭٭٭٭٭

(بير دايان زيروه‌يه ديز قوي گليرم

سانماکي خسته‌يم ايز قوي گليرم

بير چاناق سوًزده دنيز قوي گليرم

بير دوًيوش مئيداني چن ساخلا منه

٭٭٭٭٭

اوجاليقلاردا ايزين وار دييه‌رک

چيخارام داغلارا يار-يار دييه‌رک

گليره‌م قوربت ائوين دار دييه‌رک

وطن عونوانلي کفن ساخلا منه)

+ نوشته شده در  شنبه یکم فروردین 1388ساعت   توسط گئجه  |