Yaşasın Azərbaycan گئجه
 

رامیز روشن دانیشیر

 

 

بیر ایستیکان چای تؤک ایچیم

شیرین اولسون، آجی اولسون

آنان منیم آنام اولسون

باجین منیم باجیم اولسون

 

ائو تیکدیک اوچولان دئییل

بیر کیمسه کؤچورن دئییل

باختیمیز آچیلان دئییل

قاپیمیزی آچان اولسون

 

من سیز عؤمرون اوزون اولسون

باش قویماغا دیزین اولسون

آغلاماغا گؤزون اولسون

آغارماغا ساچین اولسون....

 

***

 

باغبان حسن بیر گولمه لی آدام دی. بو دونیادا سئودیی سؤز" آتام" دی هامیا آتام دئییر. منه ده آتام دئییر، آتامادا... آنادان دوغما، آتادان یئتیم ایدی باغبان حسن.

باغبان حسن ائولنمه دی، آتا اولمادی...

یوخوسونداچیلپاق، چیلپاق( لوم لوت) خانیم لاری گؤرمه یی آرزولاردی....

چیلپاق چیلپاق آغاجلار گیرردی یوخوسونا. بیر گون یوخوسونا بیر آغاج گیردی

اوستو میوه دولو بیر آرمود آغاجی

بیرجه یارپاغی دا یوخویدو آنجاق

آرمودلاری یوب یومورو خانیم لاردیلار

بوداقلاردا بارداش قوروب ایله شمیشدیلر

هامیسیدا یئتیشمیشدیلر

هانسینا الینی توخوندوردوسا

او ساعات قیریلیب یئره دوشدو...

سحره جن بیر آرمود دا قالمامیشدی بوداقدا

سحره جن تک یاتدی یاتاقدا...

آردی وار...

 

 

+ نوشته شده در  شنبه بیست و هشتم آذر 1388ساعت   توسط گئجه  | 

بو هفته نی توی لا باشلادیم. سونوندا یاسا باتدیم.

اسکی دوستلاریمدان بیرینی توی دا گؤردوم. او هارا، بو توی هارا!!!!

چوخدان گؤرمه میشدیم. چوخ دئییشیلمیدی. هئچ تانیمادیم. آما او منی گؤرجک تانیدی. اوقدر اوتاندیم کی اوندان سوروشام سن کیم سن؟ آنجاق سوروشدوم....

منه دئدی ایندی دوست ایتیرمک زامانی دئییل اوغلان...

آدینی دئدی.....وای........... نه قدر دئییشیلمیشدی..... ۱۵ ایل اولار گؤرمه میشدیم اونو....

ایندی اینجه صنعت خادیمی دی.... یاخجی ساز چالیر.... گؤزل ماهنیلار اوخور.... ایلک کره بیر آشیق هاواسی گلدی.... ساز چالدی منه رحمتلیک اوستاد آشیق درویشین سازینین سسی نی جانلاندیردی... نه گؤزل چالیردی... اونو منه ایتحاف ائله دی.... گؤزلریمدن دورمادان یاش گلیردی....

آتام سسینی ، سازینی خوشلادی... بیر آیری هاوا ایسته دی.... او مین انعام وئردی..... نه گؤزل چالدی...

سونرا توی قیزیشدی.... چئشیدلی هاوالار.... اوینادیق.... نئچه کره..... تیراختورا اوخودو .... آزربایجانا اوخودو.... هردن تویچولارین اصرار ایله فارسی هاواسی دا اوخودو....

چال دا کاباراچی چال، چال چال..... تراختورون آشکینا..... چال....

توی قورتاردی....

هفته نین سونو چاتدی....

ائوه گلدیم .... آتام قارا گئیمیشدی....

سوروشدوم.... بیر کیمسه حایاتینی دئییشمیشدی.. یئنه اسکی بیر دوستلاردان .... ان اسکی....

منیمله یاشیت ایدی، بیر مدرسه ده درس اوخویاردیق... چوخدا صمیمی ایدیک. او ۵ کیلاس درس اوخودو... بوشلادی... آیری چاراسی دا یوخ ایدی.... یئتیم اوشاق، کاسیب اوشاق....

اوشاق کن گئتدی تهرانا، چؤرک دالینجا، بیر میکانیک یانیندا ایشله دی....

من اونو آز گؤره ردیم... آنجاق بورا گلنده بیر اولاردیق...

گؤروشردیک.... دانیشاردیق..... چوخ تئز پول پارا قازاندی... من اونورسیته یه گئدنده توی ائله دی..... نه گؤزل تی ایدی...۳ اشیق گلمیشدی....

من او زامان اویناماق باشارمازدیم.... اوتاناردیم آداملارین آراسیندا اوینایام....

بیر قیزی اولدو آدینی قویموشدو سولماز...

بیر ایله یاخین ایدی کی خسته لیغی اونو داها ایشله مه یه قویموردو... آغ اوزو قاب قارا اولموشدو...

چوروموشدو... گلمیشدی ائوینه.. بوردا.... ائوینه هر زاد آلمیشدی.... ائوینده ده قالانمادی... آخیر گلدی قوجا آناسینین یانینا... آه آنا سئوگیسی.... آخیر دادا آنا قوجاغیندا جان وئردی جان یولداشیم....

بیرآی بوندان قاباق سون گؤروشمه میز ایدی.... سانکی گؤزلری مزاردان باخیردی.. قوجاقلاشدیق ، آغلاشدیق... بو گئنج یاشیندا بو خسته لیک هاردان تاپیلدی گلدی؟؟؟؟ علاج سیز خسته لیک... آدی چوخلارینین بدنینه اوشوتمه سالار....

بیر دوستو تاپدیم، بیرینی ایتیردیم....

 

 

+ نوشته شده در  جمعه بیستم آذر 1388ساعت   توسط گئجه  | 

 

 

آفتاب آزربایجان آدیندا بیر درگی وار، آیدا بیر باش چاپ اولار. چوخ

 

 گؤزل و اؤزو دئمیش کیلاسلی بیر درگی دیر. من  اؤزوم اونو چوخ

 

به یه نرم و هر آی اونو ایزلرم. اونون بیر صحیفه سی وار

 

باشلیقی بو دو: سنده دانیش.

 

بو صحیفه ده چئشیدلی( مختلف و متفاوت)  آداملاردان ،

 

چئشیدلی سورغولار سوروشارلار. مثلا

 

سون یوخو….

 

سون دولانماغا هارا گئدمیسن…..

 

هانسی ماشینی سئورسن…..

 

آزربایجان…..

 

و چوخلو سورغولار. آنجاق من هر دفعه اؤزومو اونلارین یئرینه

 

قویوب و سورغولارا جاواب دئیرم. آنجاق سورغولارین هامیسی نا 

 

 یاخجی جواب لاریم وار. تکجه بیر سورغو وار کی اونون جاوابینی

 

یاخجی بیلمیردیم.

 

سون گونلرده باشیما گلن اولای لارین ( حادیثه لرین)

 

سونوجوندان( نتیجه سیندن) بو سورغونون دا جوابینی تاپمیشام

 

سورغو: زیندیگانلیق چتیندی؟

 

سیزجه چتین دیر؟

 

منیم جوابیم:

 

زیندیگانلیق چوخ راحات دیر. بیر یوخو کیمی

 

چوخ دا شیرین دیر…… آمما

 

ایپ گئچنده گؤر گؤ……(*) الینه، ائله چتین اولور کی گل گؤرسن.

 

 

توضیح *

 

ملکوتی آدیندا بیر ماللا مینبر ده دانیشاندا چوخ کیریخاردی و

 

سؤزلری ترسه دئیردی، اونا گؤره ماللانین داش… لاریندان بیر ایپ

 

برکیدیب و هر زامان ماللا ترسه  سؤز دانیشاندا او ایپی بیر نفر

 

چکردی و ماللا همن سؤزو دوزلدردی.

 

بیر گون ماللا چیخیب مینبره و ایمام حوسینین ماجراسینی

 

دانیشیردی. آرادا دئیر ایمام حوسئینین باشیندا 313 نفر کیشی

 

وار ایدی. کیریختیغینا گؤره،  اپی چکرلر و ماللا همن سؤزونو

 

دوزلدر و دئیر ایمام حوسینین باشیندا 72 کیشی وار ایدی. بو آندا

 

بیر شخص کی مینبرین یانیندان گئچیردی قیچی دولاشار ایپه و

 

چکیلر، ماللا بئله دوشونر کی یئنه کیریخیب دیر و آداملاردان عذر

 

ایسته یر و دئیر باغیشلایین ائله بیل ایمام حوسینین ائله باشیندا

 

313 کیشی وار ایمیش، اویاندان یئنه ایپی چکرلر. ماللا دا معطل

 

قالار دئیر یا ایمام حوسینین باشیندا 72 آدام وار ایدی یا دا کی

 

ایپ گئچیب( اوزدن ایراق)  گؤر گؤت وئرن الینه

 

 

 

اینشا الله سیزلرین یاشاییشینیزدا ایپیز هئچ زامان گؤر….. الینه

 

گئچمه سین.

 

 

 

+ نوشته شده در  سه شنبه دهم آذر 1388ساعت   توسط گئجه  | 

بو گونلر تراختور بیزه هم چؤرک اولوب هم چای. هامی اولوب تراختورچی. من اؤزوم ده اولموشام تراختورچی. قاباقجا توپا باخمازدیم. یادیما گلن بوندان قاباق( تراختور اوستون لیگه گلمه میشدن اؤنجه) باخدیغیم ماچلار 4 دانا ایدی. 1- ایران و استرالیا اویونو( هر شی دن خبرسیز مدره سه یه گئتدیم گؤردوم گونده دولو اولان مدرسه ده قوش دا قاناد چالمیر. اویان بویانا باخدیم نهایت 30،40 کیشی مدرسه نین نامازخاناسیندا گؤردوم توپا باخیرلار. منده ائوه قاییتدیم. بیر آز تاپتاجالاندیو آچتیم تلوزیونو باخدیو توپا، دوزون ایسته سز او قدر باش چیخاتمادیم، آخی 2-2 اوموشدولار آنجاق ایران اودموشدو؟؟؟؟؟؟؟؟)

2- ایران و پرتغال اویونو و3- ایران و مکزیک اویونو( او گونلر ایرانین میللی تاخیمینین آدینی ستارگان پارس قویموشدولار. من او زامانلار بیلیم یوردونون یاتاخ خاناسیندا قالاردیم. بو آدی قویدوقلارینا چوخ آجیقلی ایدیم و چوخ دا سئوینیردیم کی ایران اودوزور...)

4- تورکیه و آلمان اویونو( اودا اوشاقلارین باخدیغینا گؤره)

آما ایندی تراختورون اویونلارینین هامیسینا باخارام.

+ نوشته شده در  شنبه هفتم آذر 1388ساعت   توسط گئجه  | 

سلام سایین یولداشلار.

چوخ زامان دیر بوردا بیر سؤز یازمامیشام. چوخلو سؤز واریمدی یازماغا. آنجاق هله بیر ماجال یازماغا تاپمامیشام.

بیلیرم بیرینجی بورجوم یازماقدی، آنجاق نه ائله مک کی بیر آز اوسسالیق ائلیرم.

 

+ نوشته شده در  شنبه هفتم آذر 1388ساعت   توسط گئجه  |